වර්ෂ 1814 වැනි කාලයක ඇහැලේපොළ අදිකාරම් , බුලත්ගම දිසාවේ ඇතුළු උඩරට වංශවතුන් පිරිසක් එක්ව උඩරට රාජධානිය පාලනය කළ වඩිග රජු ශ්‍රී වික්‍රම රාජසිංහ පලවා හැරීම සඳහා ඉංග්‍රීසින්ගේ සහාය ලබා ගැනීමේ කුමන්ත්‍රණයක දියත් කරනු ලබයි.ඒ සම්බන්ධයෙන් ඔවුන් මුණ ගැසෙන ඉංග්‍රීසි නියෝජිතයා වන්නේ ජෝන් ඩොයිලි ය.
නමුත් ඔවුන්ගේ මෙම උත්සාහය අසාර්ථක වේ. ඔවුන් පරාජය වී පලා යද්දී ඔවුන්ගේ පවුලේ සාමාජිකයන් රාජ උදහසට ලක් වේ. රාජ අණ අනුව බුලත්ගම දිසාවේගේ පවුලේ කාන්තා සාමාජිකයින් ජලයට පැන සිය දිවි නසා ගත යුතු ය.
නැතහොත් එවක සමාජයේ පහත් ජන කොට්ඨාශයක් ලෙස සැලකුණ රොඩී (ගාඩි) පිරිමියෙක් සමඟ සරණ යා යුතු ය. බුලත්ගම දිසාවේගේ මව හා සහෝදරිය ජලයට පැන සිය දිවි හානි කර ගැනීම තෝරා ගන්නා අතර ඔහුගේ බිරිඳ වන ටිකිරි සිය දිවි හානි කර ගැනීම තෝරා ගන්නා නමුත් අවසන් මොහොතේ දී එය ප්‍රතික්ෂේප කර රොඩී පිරිමියෙකු හා සරණ යාම තෝරා ගනියි. ඉන්පසු ඇය මුහුණදෙන සිදුවීම් වටා ගාඩි චිත්‍රපටය දිව යයි.
(දින 30ක් සදහා වලංගු වේ)
